Láncara acollerá en setembro a segunda edición do Máster de Pesca a Mosca por Parellas Río Neira
O Club de Pesca Río Neira organizará os días 5 e 6 de setembro a segunda edición do Máster de Pesca a Mosca por Parellas Río Neira, unha cita deportiva que reunirá en Láncara a afeccionados a esta modalidade procedentes de diferentes lugares.
A competición desenvolverase por parellas e consistirá na práctica da pesca a mosca nunha edición limitada de participantes, que loitarán por facerse cunha parte dos máis de 2.000 euros en premios previstos pola organización.
Con este evento, o Concello de Láncara aspira a consolidarse como un referente para os amantes da pesca deportiva, acollendo unha competición que combina deporte, natureza e convivencia nun dos escenarios máis emblemáticos para esta práctica.
A inscrición permanece aberta e as persoas interesadas en participar poden formalizala contactando cos responsables da organización, Ali, no teléfono 606 318 225, ou Code, no 649395476.