Máis de 600 escolares de Sarria están convocados a unha exhibición das forzas de seguridade

SarriaXa
O estadio municipal da Ribela de Sarria acollerá este mércores, 27 de setembro, unha exhibición dos recursos e o funcionamento de diferentes unidades da Comandancia da Garda Civil de Lugo, entre as que se atopan o helicóptero do Servizo Aéreo, a unidade de drones, o grupo de montaña ou a unidade canina, entre outros departamentos.
iluminacion campo ribela sarria
iluminacion campo ribela sarria
26 sep 2023

O estadio municipal da Ribela de Sarria acollerá este mércores, 27 de setembro, unha exhibición dos recursos e o funcionamento de diferentes unidades da Comandancia da Garda Civil de Lugo, entre as que se atopan o helicóptero do Servizo Aéreo, a unidade de drones, o grupo de montaña ou a unidade canina, entre outros departamentos.

Esta demostración, que terá lugar entre as 10.30 e as 12.30 horas, enmárcase no Plan Director para a Convivencia e a Mellora da Seguridade nos Centros Educativos e a súa Contorna do Concello de Sarria e está dirixida a máis de 600 escolares de 3º, 4º, 5º e 6º de Primaria.

Durante a exhibición, explicaráselle aos participantes os medios técnicos, os obxectivos e as funcións de cada unidade. Ademais da Garda Civil, nesta exhibición tamén participarán efectivos da Cruz Vermella e da Policía Local de Sarria.