Meigas e Trasgos abre a matrícula para as súas clases de baile, pandeireta, percusión e gaita
A asociación cultural Meigas e Trasgos xa ten aberto o prazo de matrícula para o novo curso das súas actividades de música e baile tradicional, que se retomarán a primeira semana de outubro. A entidade ofrece clases de baile tradicional, pandeireta, percusión e gaita, con grupos adaptados a diferentes idades e niveis.
As persoas que xa participaron nalgunha das clases durante o curso pasado e que queiran continuar poderán formalizar a matrícula directamente a través do formulario dispoñible.
Para aquelas persoas que queiran incorporarse por primeira vez, Meigas e Trasgos ofrece a posibilidade de achegarse ao seu Lar Social o sábado 3 de outubro, no horario correspondente á clase na que estean interesadas.
A asociación anima a todas as persoas interesadas a solicitar información sen compromiso. Para consultar os horarios, niveis e demais detalles das actividades, é posible contactar con Meigas e Trasgos no teléfono 672 861 203.