‘O camiño de Cova Eirós’ recibe unha mención de honra nos Prismas Casa das Ciencias 2026
O documental ‘O camiño de Cova Eirós’, dirixido por Xosé González Varela, recibiu unha mención de honra na categoría de vídeo dos Prismas Casa das Ciencias á Divulgación 2026. Os galardóns, impulsados polo Concello da Coruña a través dos Museos Científicos Coruñeses, distinguen proxectos vinculados á divulgación científica e buscan apoiar aos profesionais que traballan neste ámbito.
O traballo audiovisual comezou a gravarse en 2011 e contou con novas xornadas de gravación nos anos 2012, 2013, 2016, 2017 e 2018. O documental foi posteriormente presentado en diferentes puntos de Galicia.
Os Prismas celebran este ano a súa trixésimo novena edición e recoñecen unha decena de proxectos de diferentes disciplinas relacionados coa divulgación da ciencia. Os premios teñen como obxectivo potenciar a difusión da cultura científica en España e apoiar os profesionais dedicados a achegar o coñecemento científico á sociedade.
A mención de honra para ‘O camiño de Cova Eirós’ supón un recoñecemento ao traballo desenvolvido durante anos arredor deste proxecto audiovisual, que combina a documentación e divulgación para achegar ao público o coñecemento sobre Cova Eirós.