O Concello de Paradela vén de rematar as obras de rexeneración do pavimento do núcleo de Aldosende

En total, as obras custaron 50.536,86 euros, cos que, din desde o Concello, "se mellora a vida dos veciños, ofrecendo os mellores servizos"

O Concello de Paradela vén de rematar as obras de rexeneración do pavimento do núcleo de Aldosende da parroquia de Santiago de Aldosende.

Desta maneira, e a través de fondos completamente financiados polo propio Concello de Paradela, renovouse o pavimento das rúas que pasan polo núcleo, onde hai casas e habitan veciños e veciñas do municipio.

En total, as obras custaron 50.536,86 euros, cos que, din desde o Concello, "se mellora a vida dos veciños, ofrecendo os mellores servizos".