O I Mercadillo de Nadal de Láncara celebrarase o 2 de xaneiro no Campo da Feira

Todas as persoas interesadas en vender os seus produtos poderán facelo se reservan un espazo no Campo da Feira antes do día 18 de decembro

Xa está aberto o prazo de inscrición para participar no I Mercadillo de Nadal de Láncara, que se celebrará o vindeiro 2 de xaneiro na Pobra de San Xiao en horario de 11.00 a 19.00 horas.

Así, coincidindo coa feira mensual, todas as persoas interesadas en vender os seus produtos poderán facelo se reservan un espazo no Campo da Feira antes do día 18 de decembro.

O tipo de produtos que se poderán vender serán aqueles, principalmente, de orixe artesanal (decoración, artesanía, textiles, alimentos típicos...) e, ademais, nesta xornada, haberá polbo á feira.

A inscrición poderá ser a través da Sede Electrónica de Láncara ou presencialmente na Biblioteca Municipal en horario de 09.30 a 13.30 horas e de 16.00 a 18.00 horas.