O Páramo celebrará do 5 ao 8 de xuño a XLVIII edición das Feiras de Primavera
A Asociación de Amigos do Campo da Feira, coa colaboración do Concello do O Páramo, organizará entre os días 5 e 8 de xuño a XLVIII edición das tradicionais Feiras de Primavera, que volverán converter o Campo da Feira no epicentro da actividade festiva e comercial do municipio.
Durante os catro días de celebración, o recinto acollerá unha ampla exposición permanente de maquinaria agrícola, artesanía e pintura, ademais de numerosos postos de alimentación e pulpeiros nos que se poderán degustar algúns dos produtos máis típicos da zona.
A gastronomía volverá ser un dos grandes atractivos da cita, que estará acompañada por actuacións de grupos folclóricos, pasarrúas e música tradicional ao longo das xornadas. Pola noite, as verbenas completarán a programación festiva prevista para esta edición.
Un dos momentos máis destacados chegará o sábado coa celebración da Feira de Gando Vacún, que incluirá concurso, desfile e poxa de reses. O domingo estará dedicado á Feira Cabalar, que abrirá pola mañá e rematará cun espectáculo de doma de alto nivel.