O PSOE denuncia actos vandálicos contra a súa cartelería electoral en varios puntos de Sarria

SarriaXa
A agrupación socialista de Sarria condena os danos sufridos polo material de campaña e fai un chamamento ao civismo e ao respecto entre as forzas políticas
actos vandálicos campaña electoral PSOE Sarria
16 Nov 2026

A agrupación socialista de Sarria denunciou os actos vandálicos sufridos pola súa cartelería electoral, instalada en varios puntos do municipio. A formación condenou estes feitos e advertiu de que "este tipo de actos atentan contra a convivencia e o normal desenvolvemento da campaña electoral".

Desde o PSOE fixeron un chamamento á responsabilidade, ao civismo e ao respecto mutuo entre todas as forzas políticas e a veciñanza, co obxectivo de garantir que a campaña transcorra con absoluta normalidade e limpeza democrática.

A agrupación anunciou que procederá a repoñer o material danado nos próximos días e que, se procede, poñerá os feitos en coñecemento das autoridades correspondentes.

Os socialistas tamén defenderon a necesidade de reforzar a súa presenza na rúa tras estes incidentes. "Por estes actos vandálicos debemos estar máis presentes na rúa. Non se pode tolerar esta dereita fascista", sinalaron.

0.15128111839294