Parroquias de O Páramo e de Samos acollen esta fin de semana as festas de San Xoán
![verbena festa orquesta concerto](https://sarriaxa.com/wp-content/uploads/2021/06/verbena-festa-orquesta-concerto.jpg)
A parroquia de Friolfe, no Páramo, e a parroquia de Ponte de Louzara, en Samos, acollen esta fin de semana as súas festas na honra a San Xoán.
No caso da parroquia do Páramo, o sábado, día 17, terá lugar unha gran verbena para todas as persoas asistentes amenizada por Tania y su acordeón.
Xa o 18, domingo, comezará a xornada coa misa maior ás 13.30 horas, que irá seguida da procesión e da sesión vermú a cargo do Grupo La Bamba, así como actuará a Orquestra Cinema.
Pola súa parte, na parroquia de Samos as festas serán o día 17, que comezará ás 13.30 horas coa misa maior, procesión e sesión vermú da man da charanga Os Chafalleiros. Xa pola tarde, ás 19.00 horas seguirá a festa coa mesma charanga e, despois, actuará o solista José Manuel (ex abanico) e virá a Disco Móbil Coco Music.