Recta final para a apertura da pasarela metálica da Ponte Ribeira de Sarria

SarriaXa
Recta final en las obras de la pasarela metálica provisional de la Ponte Ribeira de Sarria, el viernes se instalaron las barandillas.
ponte ribeira sarria
ponte ribeira sarria
13 Abr 2022

Probisa, a empresa adxudicataria da instalación da pasarela metálica provisional da Ponte Ribeira de Sarria, instalou as varandas o pasado venres, desta forma achégase á recta final da súa apertura.

A instalación desta ponte metálica comezou a principios de ano, e prevíase que estivera lista para febreiro, coa colocación das varandas, tan só quedaría pendente o asfaltado, o pintado e a instalación dun semáforo e as luminarias.

Con esta nova infraestrutura poderá reabrirse o viaduto tras máis de sete anos cortado tanto para os peóns como para os vehículos. O custe desta pasarela ascende a 109.810 euros máis 17.375 que irán destinados ao acondicionamento da contorna. O financiamento corre a cargo dunha axuda de 150.000 euros da Deputación de Lugo.

Esta pasarela será de carácter provisional mentres se rehabilita a Ponte Ribeira, un paso que forma parte das 10 pontes francas que se atopan no Camiño Francés, desde Roncesvalles a Santiago. É unha infraestrutura que forma parte tamén do arraigamento dos sarriáns e dos galegos en xeral, dende hai séculos, ao tránsito de peregrinos pola xeografía da vila ata completar o Camiño.

0.17576599121094