Samos leva ao público ao teatro en Santiago cunha saída cultural para ver ‘A Gaivota. Ensaio aberto’
O domingo, 4 de outubro, o Concello de Samos organizará unha saída cultural a Santiago de Compostela para asistir á representación de "A Gaivota. Ensaio aberto", unha innovadora produción do Centro Dramático Galego inspirada no clásico de Antón Chéjov. A actividade está aberta a todos os públicos, aínda que as prazas son limitadas.
O espectáculo combina teatro e realidade para abordar cuestións relacionadas coa creación artística, os soños, o amor e o papel das mulleres na escena e na sociedade.
Para facilitar o desprazamento, o Concello habilitará un autobús que sairá ás 14.05 horas desde a Casa do Concello de Samos. A organización pide puntualidade ás persoas participantes.
A función dará comezo ás 18.00 horas no Salón Teatro de Santiago de Compostela e o regreso está previsto para as 19.45 horas aproximadamente.
O prezo da actividade será de 5 euros. As persoas interesadas deberán formalizar a inscrición presencialmente na Casa do Concello de Samos antes do 30 de setembro.
Ao contar con prazas limitadas, será necesario realizar a inscrición previamente para poder participar na saída cultural.