Cultura

A Casa da Cultura acollerá ás 20:00 horas esta proposta teatral para público adulto, con entrada de balde

A programación de Sarria Acendida continuará este domingo, 11 de outubro, cunha nova proposta teatral para público adulto. A Casa da Cultura de Sarria acollerá ás 20:00 horas a representación de 'O meu pai naceu o mesmo ano que Mick Jagger', de Tarabela Creativa, con entrada de balde.

A obra, escrita por Carmen Conde e dirixida por Avelino González, conta con Fran Lareu e Xosé Manuel Esperante sobre o escenario.

A peza combina memoria, humor e identidade para reflexionar sobre a relación entre o que somos, as experiencias vividas, o herdado e a época na que nos tocou vivir.

A representación forma parte da programación de Sarria Acendida e está dirixida ao público adulto.