Sarria celebra os días 8 e 9 de setembro as festas na honra á Virxe dos Remedios
Sarria prepárase para celebrar os vindeiros 8 e 9 de setembro as festas na honra á Virxe dos Remedios, con dúas xornadas que combinarán os tradicionais actos relixiosos cunha ampla programación musical.
O martes 8 de setembro, os actos comezarán coas misas desde as 8:30 horas na capela. Ás 13:00 horas terá lugar a misa maior no Campo da Festa, seguida da tradicional procesión, que estará acompañada pola Banda da Comarca de Sarria.
A xornada continuará cunha sesión vermú coa Orquestra Florida Band. A partir das 18:00 horas será a quenda da Charanga Os Sureños, mentres que pola noite a verbena contará coas actuacións das orquestras Florida Band e Principal.
O mércores 9 de setembro, a programación comezará coa misa maior ás 13:00 horas, seguida dunha sesión vermú amenizada polo Grupo D’Kris. Pola noite, a verbena estará protagonizada polo propio Grupo D’Kris e por El Combo Dominicano, que poñerán o ritmo á segunda xornada festiva.
Deste xeito, os Remedios volverán ofrecer unha programación pensada para todos os públicos, combinando a tradición relixiosa e festiva con diversas propostas musicais durante as dúas xornadas.