Yolanda Díaz Gallego recibiu o Premio Ramón Piñeiro Facer País
Yolanda Díaz Gallego recibiu o Premio Ramón Piñeiro Facer País nun acto celebrado este sábado na antiga escola de Láncara e na Ponte de Carracedo.
A Asociación Cultural Val de Láncara, xunto con representantes da corporación municipal, a veciñanza e persoas interesadas da cultura como Xurxo Rodríguez colaborador imprescindible no premio, así como a cantante Sés, estiveron presentes no acto. Ademais, Lois Pérez foi o mantedor do acto.
Desta maneira, Sés, a gañadora do premio do ano pasado, entregoulle o premio a Yolanda Díaz. “Dúas mulleres extraordinarias que honran o noso premio coas súas traxectorias vitais e profesionais. Sempre deixando unha pegada e un legado que contribue a facer unha Galicia mellor, a facer país”, destacan desde a Asociación promotora.
O xurado que elixiu a Yolanda Díaz como gañadora do premio, sostivo que "este ano traemos unha proposta que familiares e amigos definen coma a historia viva de Galicia. Sendo muller nun mundo de homes, especialmente nos anos que a ela lle tocou vivir a súa xuventude”, referíndose ás súas vivencias en Uruguay.