Sociedade

O encontro celebrarase o 27 de outubro na Casa da Cultura para dar a coñecer as reivindicacións sindicais sobre salarios, vivenda, emprego e servizos públicos

A Confederación Intersindical Galega (CIG) celebrará o vindeiro martes 27 de outubro unha asemblea aberta en Sarria para informar sobre os motivos e as demandas da folga xeral convocada para o 11 de novembro.

A reunión terá lugar ás 20.00 horas na Casa da Cultura e abordará as principais reivindicacións da convocatoria, entre as que figuran a defensa duns salarios dignos, o acceso á vivenda, a estabilidade laboral e uns servizos públicos de calidade, nun contexto marcado polo encarecemento do custo da vida.

Desde o BNG de Sarria animan a veciñanza a participar neste encontro para coñecer directamente os argumentos que sustentan a folga e as propostas que defende a organización sindical.