A Sociedade La Unión de Sarria celebra unha sesión vermú con Nico Mao e María Oxeito
SarriaXa
O concerto, de entrada libre, terá lugar o domingo 19 de xullo ás 13.00 horas na terraza da entidade
15 Jul 2026
A Sociedade La Unión de Sarria organiza o vindeiro domingo, 19 de xullo, unha nova sesión vermú na súa terraza, unha proposta musical pensada para gozar do mediodía nun ambiente distendido e de entrada libre.
A cita comezará ás 13.00 horas e contará coa actuación en directo de Nico Mao e María Oxeito, que ofrecerán un repertorio no que a música e a emoción serán as protagonistas.
Desde a organización animan á veciñanza e aos visitantes a achegarse á terraza de La Unión para compartir unha mañá diferente, acompañando o vermú con música en directo e nun ambiente aberto para todos os públicos.