A UNED Sénior regresa a Sarria con novas propostas formativas para maiores de 55 anos
SarriaXa
O prazo de matrícula permanecerá aberto ata o 20 de outubro e as clases comezarán na semana do día 13
29 Sep 2026
A UNED Sénior regresa a Sarria co curso 2026-2027 cunha oferta formativa dirixida a persoas maiores de 55 anos, sen que sexa necesario contar con titulación ou formación académica previa.
Durante o primeiro cuadrimestre, o alumnado poderá escoller entre dúas propostas: Tertulias Literarias, que se desenvolverá os xoves de 17:00 a 19:00 horas, e Inglés para o día a día, programado os martes no mesmo horario.
O prazo de matrícula permanecerá aberto do 28 de setembro ao 20 de outubro. As clases comezarán na semana do 13 de outubro.
As persoas interesadas poderán formalizar a matrícula de maneira presencial na Biblioteca Camilo Gonsar de Sarria.