Alumnas do Páramo do Programa Integrado de Emprego reciben os seus diplomas

SarriaXa
Alumnas do concello do Páramo do Programa Integrado de Emprego reciben os seus diplomas acreditativos da formación recibida
programa emprego oparamo
programa emprego oparamo
2 Dec 2022

O Programa Integrado de Emprego, no que participa o Concello do Páramo xunto cos outros coma o de Palas de Rei, Antas de Ulla, Portomarín, Guntín e Monterroso, vén de realizar a entrega de diplomas ós seus participantes.

Esta iniciativa que formou a un centenar de participantes está promovida polos Concellos de Palas de Rei, Monterroso, Portomarín, Guntín, Antas de Ulla e o Páramo e conta co financiamento da Consellería de Promoción de Emprego e Igualdade.

Os seus participantes recibiron os diplomas acreditativos da súa formación da man dos alcaldes de Palas de Rei, Pablo Taboada; Monterroso, Rocio Seijas; Portomarín, Pablo Rivas; Guntín, Maria José Gomez e o do Páramo, José Luis López así como da Xefa Territorial de Emprego e Igualdade, Pilar Fernández.

O Programa Integrado de Emprego ademais de contar con participación dos concellos que o promoveron, tamén acolleu ás participantes dos concellos de provincia da Coruña como Melide, Arzúa, Sobrado, Boimorto, Toques e Santiso.

As mulleres participantes no mesmo, contaron con orientación laboral por parte das técnicas do programa, levándose  a cabo a labor de prospección e intermediación laboral nos citados concellos, para así fomentar a inserción laboral.

Leváronse a cabo un total de 376 accións formativas, repartidas en  30 cursos do catálogo de especialidades formativas do SEPE de distinta temática entre os que cabe destacar: ofimática, firma electrónica, condución de carretillas elevadoras, inglés profesional para o turismo, comunicación dixital, monitor de tempo libre ou limpeza en instalacións e equipamentos industriais. Así como tamén se desenvolveron as prácticas nas empresas da zona para acadar unha mellor cualificación e procurar a inserción laboral, ademais de atopar persoal cualificado para as empresas.

0.17164206504822