Sociedade

A veciña de Cedrón, en Láncara, foi homenaxeada pola Asociación Veciñal e Cultural Santiago de Cedrón, organizadora das festas, cun ramo de rosas vermellas polo seu aniversario

Cedrón, no municipio de Láncara, celebrou os días 30, 31 de agosto e 1 de setembro as festas de San Ramón, unha programación que tamén tivo un momento especial coa homenaxe a Filomena Pérez Aira.

A veciña de Cedrón cumpriu 100 anos o luns 31 de agosto, coincidindo coas celebracións patronais. Con motivo deste aniversario tan especial, a Asociación Veciñal e Cultural Santiago de Cedrón, organizadora das festas, quixo ter un detalle con ela e entregoulle un ramo de rosas vermellas para celebrar o seu centenario.

A homenaxe permitiu así compartir con Filomena Pérez Aira unha data destacada dentro das festas de San Ramón e celebrar xunto á veciñanza os seus 100 anos.