Hospitaleros Sin Fronteras celebrará en Sarria a V edición do mercado solidario Malicounda Teranga
A ONG sarriá Hospitaleros Sin Fronteras organizará o vindeiro 6 de xuño a quinta edición de Malicounda Teranga, un mercado solidario que volverá converter Sarria nun punto de encontro arredor da solidariedade, a cultura e a convivencia.
A iniciativa contará cun amplo programa de actividades pensado para todos os públicos, nunha xornada na que os asistentes poderán desfrutar de música, gastronomía, maxia e diferentes propostas culturais e de lecer.
Entre as actividades previstas destaca tamén un mercadiño solidario con roupa de segunda man e artesanía procedente de Senegal, co obxectivo de recadar fondos e continuar apoiando os proxectos solidarios impulsados pola entidade.
Desde a organización animan á veciñanza a participar nesta nova edición de Malicounda Teranga, unha cita que busca combinar diversión e compromiso social nun ambiente aberto e participativo.