Sociedade

A actividade celebrarase o sábado 21 de novembro, de 10:30 a 13:30 horas, na antiga Escola de Láncara e incluirá todos os materiais necesarios

A Asociación Cultural Val de Láncara organizará o vindeiro sábado 21 de novembro un obradoiro de "Cerámica e imáns", unha proposta dirixida a todos os públicos para descubrir novas posibilidades creativas e achegarse ao traballo artesanal coa arxila.

A actividade desenvolverase de 10:30 a 13:30 horas na antiga Escola de Láncara e terá un prezo de 5 euros para as persoas socias e de 10 euros para as non socias. Os materiais necesarios estarán incluídos.

As persoas interesadas en participar poden formalizar a súa inscrición chamando ao teléfono 691 17 56 50.