O Incio amosará os resultados do I Campo de Voluntariado coa xornada 'Territorio Sonoro'
SarriaXa
A Ferrería e a Casa do Concello acollerán un paseo, a presentación dos proxectos, mesturas sonoras e unha sesión musical con DJ La Sincereza
22 Jul 2026
O Concello do Incio celebrará este 22 de xullo a xornada Territorio Sonoro, unha iniciativa na que se presentarán as recollidas, o material sonoro e os proxectos desenvolvidos durante o I Campo de Voluntariado do Incio.
A programación desenvolverase entre A Ferrería e a Casa do Concello, combinando actividades divulgativas e propostas culturais abertas ao público.
A xornada comezará ás 12.00 horas cun paseo-proba na Ferrería do Incio. Pola tarde, ás 18.00 horas, terá lugar a presentación dos proxectos na Casa do Concello. Ás 19.30 horas celebraranse as Mesturas Sonoras e, para pechar a programación, ás 22.30 horas haberá unha pinchada e festa con DJ La Sincereza.