Sociedade

A festa comezará ás 20:30 horas e contará coa animación musical de Brais García

O Val do Incio prepárase para celebrar o Magosto de San Pedro o vindeiro sábado 31 de outubro, nunha xornada dedicada á gastronomía tradicional e á convivencia veciñal.

A celebración dará comezo ás 20:30 horas e ofrecerá aos asistentes unha proposta gastronómica propia destas datas, con panceta, castañas e viño. A iniciativa busca reunir a veciñanza e a todas as persoas que queiran gozar dunha noite arredor dunha das tradicións máis características do outono galego.

A música tamén terá protagonismo durante a festa, que estará amenizada por Brais García, encargado de poñer ritmo á xuntanza e contribuír ao ambiente festivo da celebración.