Sociedade | Cultura

A actividade, impartida por Carolina Vázquez Castro, permitirá coñecer os ritmos e as técnicas deste instrumento tradicional da montaña de Lugo

A Asociación Cultural Peleriños inicia os obradoiros deste curso cunha novidade: un obradoiro de pandeira que permitirá aos participantes achegarse a un instrumento tradicional estreitamente ligado á música da montaña de Lugo.

A actividade estará impartida por Carolina Vázquez Castro, membro das Adufeiras de Salitre, que ensinará os principais ritmos e técnicas para tocar a pandeira.

O obradoiro terá lugar o sábado 17 de outubro, entre as 11:00 e as 13:00 horas, na Casa da Cultura de Sarria.

A inscrición terá un prezo de 15 euros para as socias da Asociación Cultural Peleriños e de 20 euros para as non socias.