"Redes que Coidan" retoma a súa actividade en Paradela para acompañar as persoas maiores
SarriaXa
O programa de Cruz Vermella ofrece atención individualizada e talleres todos os mércores no Centro Sociocultural Manuel Oreste Rodríguez
20 Oct 2026
O programa "Redes que Coidan" volve a Paradela para ofrecer apoio e acompañamento ás persoas maiores de 65 anos do municipio. A iniciativa, impulsada por Cruz Vermella Española en Lugo, retoma as sesións no Centro Sociocultural Manuel Oreste Rodríguez.
A atención e o acompañamento estarán dispoñibles todos os mércores, de 9:00 a 13:00 horas. Ademais, entre as 11:00 e as 12:30 horas desenvolveranse actividades e obradoiros dirixidos ás persoas participantes.
As persoas interesadas en coñecer máis detalles sobre o programa poden chamar ao teléfono 678 44 49 14.