Sociedade

A actividade combinará poesía, movemento corporal e música e estará aberta a persoas de todas as idades

A Praza Vergara Vilariño de Samos acollerá o vindeiro domingo 30 de agosto, ás 19:00 horas, o taller "Cando a palabra resoa no corpo", unha proposta que combinará poesía, movemento corporal e música nunha actividade aberta a todo o público.

O obradoiro está pensado para explorar a relación entre a palabra e o corpo a través de diferentes disciplinas artísticas, integrando a poesía, a expresión corporal e a música nun mesmo espazo.

A actividade estará aberta a todo o mundo e terá lugar ao aire libre na Praza Vergara Vilariño de Samos.