Sociedade | Axenda

A iniciativa abordará o envellecemento activo no local social Fonte do Lunar ás 17:00 horas

A asociación Afalu Alzheimer impartirá en Triacastela a actividade “Envellecer con enerxía”, unha proposta centrada na promoción do envellecemento activo e saudable.

O encontro terá lugar o 28 de maio ás 17:00 horas no local social Fonte do Lunar e está dirixido a persoas interesadas en mellorar a súa calidade de vida a través de hábitos e dinámicas que favorezan o benestar físico e emocional no proceso de envellecemento.

As inscricións previas deberán realizarse nos Servizos Sociais do Concello de Triacastela.